నాగావళి

నేను పుట్టక ముందే
తాను తరగలెత్తింది
నేను పెరగక ముందే
తాను నురగలెత్తింది
నాలో ఆనందాల తెర చాపలెత్తి
నన్ను పడవను చేసి ఆడించింది
నాలో సంతోషం ఉరకలేస్తే
తాను జల జలా పారింది నాగావళి
నాలో విషాదం ఆవరిస్తే
తాను ఇంకిపోయి చెలమలయ్యింది నాగావళి
నా బాల్యంలో జోల పాడి
నా కౌమారంలో ఈలలూది
నా యవ్వనంలో నన్ను ఊగించి,శాసించి, రక్షించి
నా బతుకు బాటలో పాటయ్యింది నాగావళి
నా విజయంలో తుళ్ళింతగా చేరి
నా అపజయంలో కన్నీటి చుక్కగా మారి
నన్ను అల్లుకుంది బంధమై పూల తీగలా
తాను కదిలింది నాతో కలసి తేనె వాగులా...